最地道的感覺: 康龍
雖然香港也有康龍，但總覺得日本的康龍才是最原汁原味，最好食。日本的康龍永遠是店子小小，座位密密的圍住製麵的工作間，弱弱的冷氣，吃完 一碗熱騰騰的拉麵，我敢擔保誰都會汗流浹背，不過這也是最地道的感覺吧! 看這碗拉麵精釆嗎? 我唔客氣啦!
最失敗的感覺: 忘了帶contact lens
忘了帶contact lens，還要是第二天才發現，想死呀!! 其實我已經把contact lens準備好在一個袋中，只是我把這個袋遺忘，才落得如此下場，實在慘不忍睹，嗚嗚… 嗚嗚...
最初還想在日本買contact lens，雖然是貴了點，也好過長期做四眼妹咁樣衰，點知竟然令我更想死呀!! 原來在日本買contact lens是需要有關醫生的檢驗， 再由醫生發出証明書，才可憑証明書購買，無論是本地或外地人，手續一律相同， 即使你有錢，沒有醫生發出証明書，也休想眼鏡公司會買contact lens給你 (我很想找所謂的地下眼鏡公司，可惜找不到)。
我問過兩間眼鏡公司，售票員知道我們只會說英語，都眉頭大皺，用他們有限的英語表明，醫生只會日語，不懂日語很難進行檢驗..... 你話係唔係十級想死吖，鬼叫自己大頭蝦，簡直是自作孽，不可活！
好攪笑的經驗
在長野某商場，人有三急去廁所[註]。嗰廁所非常乾淨，一共有三格，其中只有一格是座廁，而廁蓋是放咗落嚟嗰隻。如果係香港我就打死唔去嗰格，不過家陣係日本就唔同，我二話不說就走入嗰格，閂門後轉身準備揭蓋時，嗰蓋竟然自己慢慢揭起，我當時嗰反應，簡直係可以用嚟拍 [笑笑小電影]，仲以為被人偷拍，總之就好攪笑。完事洗手後，再回頭睇下嗰蓋，我硬係覺得佢係會自動落噃嚟，有衝動睇埋佢 "表演" 至走，你話我係唔係有啲問題?
[註]:我覺得日本的公廁只有三種:乾淨 很乾淨和非常乾淨
No comments:
Post a Comment