與blog友 Ebenezer 談到兒時中秋玩意, 才驚覺原來自己小時候是很頑皮, 頑皮得有點過份. 他說試過 "煲金魚", 我則常常去 "曬蝌蚪".
小時候往過山邊的木屋區, 常常背著妹妹 "通山走". 山上有很多田, 而田與田之間就有小池塘, 池塘裡有不少蝌蚪和小魚, 蝌蚪總是較小魚笨拙, 所以可憐的蝌蚪總會成為我和妹妹手下的犧牲品, 我們把捉來蝌蚪放係石頭上, 曬得乾乾的, 然後放回水中, 看牠們會否 "回復舊觀" ? 係咪好變態?
更變態的一次, 我試過把一隻貓拋進水池中 (同類相殘!!), 不過那貓很快逃走了, 後來聽說還生了一堆小貓..... 快快樂樂的生活下去! 當然啦, 那時我這個女魔頭已搬走了.
現在回想起來, 真想向當日 "壯烈犧牲" 的蝌蚪們說聲 "對不起", 你們的 "犧牲" 不是白費, 至少成就了我和妹妹的成長, 謝謝啊! 至於那隻險些兒遇溺的貓, 為了記念你, 我就叫自己做 "肥貓" 啦.
哈哈!好一句:「你們的 "犧牲" 不是白費」!
ReplyDelete俾我生煲嗰條金魚嘅"犧牲"都唔係白費架,佢都成為我嘅童年回憶架^^
自問小時候唔頑皮...
ReplyDelete好似越大越頑皮^.^!
點算?
我小時候唔會咁對小動物...我剪同學仔條馬尾之嘛! XDDDD
ReplyDelete你好殘忍....
ReplyDeletehaha, 貓姐你細個真係幾變態,我望塵莫及!
ReplyDelete我最多燒曱甴,浸老鼠,栽在我手下的,都死有餘辜!
Ebenezer,
ReplyDelete我地兩個的童年回憶都好似幾叫人心寒喎!
Denzel,
咁大鑊! 不如搵個人管教下你啦! 駛唔駛介紹呀?
the8,
"我剪同學仔條馬尾之嘛!"
原來你最百厭!! 個同學有無嬲死你呀!
篤篤,
ReplyDelete我認呀! 細路個時真係好殘忍好狼死吓架.
laulong,
嘻嘻! 我寫出來就預左你地會話我變態, 不過真係幾變態.
"燒曱甴,浸老鼠" 啲咁正義既事, 真係校長至做得出!!
"不如搵個人管教下..."
ReplyDelete嘩,好驚...以後唔敢頑皮啦^^!
Denzel,
ReplyDelete咁就乖啦!
FatCat..
ReplyDelete呢類兒時玩意!!
真係唔只係你係咁,
其實細個時無咩玩嘛!!
不過都好過宜家,
個個都只會對著電腦呢!!!
Mag,
ReplyDelete都係你最心水清!
本來電腦是好好的工具, 用得其所是好事, 但太過沉迷就好有問題. 昨日聽新聞說facebook有遊戲, 涉嫌鼓勵偷竊行為, 唉! 點解咁都得架?!
肥貓: 佢無嬲我呀不過以後唔同我講嘢之嘛! 我當時仲恐嚇佢唔準話俾人知係我做嘅! 當然果晚校長(即我媽咪)收到投訴電話,我俾人打到飛起喇!
ReplyDeletethe8,
ReplyDelete嘩! 你亞媽咪係校長咁架勢, 唔怪之得你咁 "作惡多端" 啦.
如果你個仔係咁你會點?
因為父母要照顧我哋三個所以開咗間蚊型幼稚園…
ReplyDelete如果我個仔係咁…我嘔住血都會打佢咖!